67b0ec20     

Гениюш Лариса - Моладзi (На Белорусском Языке)



ЛАРЫСА ГЕНIЮШ
МОЛАДЗI
Гэй, збiрайцесь, крывiцкiя дзецi
пад народны, пад горды наш сцяг!
Воля Краю нам зоркаю свецiць,
яго шчасце - у нашых руках!
Мы за волю крывiцкiх прастораў,
мы за спадчыну нашых дзядоў
аддамо, каб насыцiўся вораг,
жыццё наша i нашую кроў.
Але Краю, што Нёман галубiць,
гэтых сэрцаў, што воляй гараць, -
ўжо не будзе арол крывадзюбы
да крывi пазурамi здзiраць!
Нам не страшны сiбiрскi больш холад,
нам не страшны маскаль або лях,
чужы серп непатрэбны, нi молат -
мы разгорнем крывiцкi наш сцяг!
Нашы сэрцы гiмн родны зайграюць!..
Адгукнецеся, сёлы, ў адказ!
Мы нясём жыццё наша для Краю,
мы нясём жыццё наша для вас!
Станем дружна ўсе брат каля брата,
абаронiм Краiну грудзьмi,
воля будзе вялiкай заплатай
за нягоды цяжкой барацьбы!
1941




Содержание раздела